Временска прогноза за четврток, 13 септември

 

Временска прогноза за четврток, 13 септември

Времето денес сончево со максимална дневна температура до 29 степен. Во вечерните часови можни врнежи.

 

Момче од Струмица отворило лажен FACEBOOK профил

Момче од Струмица, отворило лажен facebook профил, на кој се претставувало како државен службеник од Собранието на Македонија, јави МВР.

Единицата за Компјутерски криминал при Центарот за сузбивање организиран и сериозен криминал при МВРподнесе кривична пријава против К.К.(17) од Струмица, за сторено кривично дело “злоупотреба на лични податоци” по член 149 ст.1 од КЗ на РМ.

Пријавениот, во текот на август 2011 година без знаење и согласност на оштетеното лице, функционер во Собранието на Република Македонија, извршил злоупотреба на личните податоци од оштетеното лице на тој начин што преку интернет симнувал јавно објавени фотографии од оштетениот со чија помош на социјалната мрежа за дружење и ширење познанства www.facebook.com објавувал содржини во вид на текст, стекнувал познанства и обавувал разговори со повеќе лица, претставувајќи се во име на функционерот.

При преземањето на мерките и активностите од страна на Единицата за компјутерски криминал за откривање на лицето кое ги злоупотребило податоците е утврдено дека постои регистриран профил со наведените податоци, пронајдени се повеќе фотографии и текстуални содржини постирани од име на функционерот.

Преку одговорните лица на социјалната мрежа за дружење facebook се побарани податоци за IP адресата од која е креиран и одржуван наведениот профил при што се добиени логови на ИП адреси за бараниот профил.

Од извршените проверки за тоа кое лице ја користело IP адресата од која е креиран и одржуван наведениот профил е утврдена локацијата од каде е пристапувано до истиот, односно домот на пријавеното лице во Струмица.

Од извршениот претрес во домот на пријавеното лице при што е пронајдено и одземено компјутерско куќиште од кој пријавениот пристапувал на интернет и истото е доставено на вештачење во Одделот за криминалистичка техника во МВР.

Од извршеното вештачење утврдено е дека на одземениот компјутер се наоѓаат повеќе фајлови и податоци од кои се потврдува дека со одземениот компјутер е пристапувано на лажно креираниот профил на www.facebook.com.

Исто така пронајдени се и веб страниците на интернет од каде што се симнати фотографии подоцна користени при креирање на профилот.

 

превземено од: hajdpark.mk

Програма за среда на ФКТ ,,Ристо Шишков’’

Програма за среда на ФКТ ,,Ристо Шишков’’ 12 септември

19:00 ч

Театарска и филмска куќа АКТ АКТЕР ВО КУТИЈА 

режисер: Ментор Зумберај

 

 

 

 

20:00 ч

НУ Народен Театар ХЕНРИ VI

режисер: Џон Блондел

 

 

 

23:00 ч

Шифт Театар II ИЗВОРОТ НА СЛИКАТА

режисер: Барбара Новаковиќ

 

 

 

24:00 ч

1+1=1 Театарска Компанија КАСАНДРА

режисер: Деспина Сарафејду – Евангелиа Андрицану

Издадени 650 решенија за легализација на дивоградби

Најчести проблеми со кои што се соочуваат службите во секторот за урбанизам и комунални дејности во легализација на дивоградбите во Струмица се нерешените имотни проблеми и непочитувањето на законскиот рок од десет дена за плаќање на таксата.
Согласно законот за постапување со бесправно изградени објекти, Секторот за урбанизам и комунални дејности, досега издал 650 решенија за легализација на дивоградби. Од вкупно поднесените 9.300 барања, од страна на граѓаните се доставени само 2.200 елаборати, од кои за 1.300 е донесена урбанистичка согласност. Според информацијата од Стојан Динев, раководител на секторот за урбанизам и комунални дејности, голем дел од комплетираните барања се во фаза на мирување бидејќи странките се упатуваат во решавање на имотни проблеми за кои одлучуваат други органи. Исто така, од страна на граѓаните не се почитува и законскиот рок од десет дена за плаќање на таксата за легализација по доставувањето на пресметката за предмети за кои е издадена урбанистичка согласност. Од секторот за урбанизам апелираат до граѓаните, да ја комплетираат документацијата за да може да се решаваат барањата за легализација на бесправно изградените објекти.

 

Отворена 49-та Струмичка ликовна колонија

Синоќа во НУЦК ,,Антон Панов’’ се отвори 49-та по ред Меѓународна струмичка ликовна колонија на која се претставија уметнички дела на 18 уметници од Македонија, Србија, Полска, Бугарија, Русија, Турција, Хрватска, Албанија и Црна Гора.
Изложбата ја отвори Васил Ѓоргиев, директорот на Националната установа Завод и Музеј во Струмица, и сите заинтересирани можат да ја посетат колонијата во наредните две недели.
На струмичката колонија за прв пат учествуваше и Васе Урдин, брат на основачот на струмичката колонија Кочо Урдин, кој најави и своја самостојна изложба во Струмица на 11-ти октомври.

M.M.

 

 

 

 

https://www.facebook.com/media/set/?set=a.270102909772961.62473.261733853943200&type=1

Временска прогноза за среда, 12 септември

 

Времето утре, сончево и вредро. Максимална дневна температура до 29 степен.

 

Положување цвеќе за Денот на ослободувањето на Струмица

Со пригодни свечености, во Струмица денеска се одбележи 68 години од ослободувањето на градот од фашистичкиот окупатор.
Пред споменикот на Револуцијата во градскиот парк цвеќе положија претставниците на политичките партии,а на присутните со пригоден збор им се обрати градоначалникот Зоран Заев.
Денот на ослободувањето на градот беше одбележан и со засадување дрвце на пријателството во градскиот парк.

https://www.facebook.com/media/set/?set=a.269668376483081.62325.261733853943200&type=1

Џоша Митич за Струмица

Познатиот српски забавувач, комичар и актер Богољуб Митич познат како Џоша, го пронајдов во кафеана во близина на театарот. По пробата за вечерашната представа ,,Ѓаволијада’’, одмараше со разговор и пијалак со своите пријатели.

Кажува дека за неговото доаѓање сите позитивно реагирале, го поздравувале на улица, се фотографирале со него, го дочекале како свој познаник и пријател. Поради тоа што со своето доаѓање овде го привлече  вниманието на многу Струмичани, јас сакав да знам како впечаток му оставила Струмица.

- Во Струмица сум по прв пат и можам да кажам дека впечатоците ми се доста пријатни. Прошетав по градот и забележувам дека е доста среден, убаво дотеран, се гледа дека доста труд и работа има вложено во него. Центарот изгледа убаво, исто и паркот каде што е езерцето. Посебно вниманието ми го привлече споменикот на Гоце Делчев и натписот на него ,,Јас го разбирам светот како поле за културен натпревар помеѓу народите’’. Затоа и ние од шабачкиот театар гостуваме овде, да бидеме дел од еден значаен театарски фестивал како што е ,,Ристо Шишков’’.

Џоша е познат боем, и кафанскиот свет е дел од неговиот живот. За кратко време колку што е овде, ги прошетал струмичките кафани и има само пофални зборови за гостопримството на Струмичаните.

- Овде се осеќам како да сум дома. Луѓето се доста пријатни и гостопримливи. Можам да кажам дека Македонија ја чувствувам како своја земја, исто како и Србија. Овде се осеќам опуштен и ми годи пријателската атмосфера, а посебно би истакнал дека имате одлична клима. Мојот колега од шабачкиот театар  изјави дека со задоволство би живеел овде, одушевен е од вашиот град.

M.M

Струмица низ времето

Драги и почитувани сонародници, светски интелектуалци и универзитетски професори, билионерски инвеститори,продуценти и уметници од секоја бранша… Свртете го светскиот глобус,фокусирајте го погледот во источниот дел од Македоија и доближете се до градот кој наликува на митски потонатата Атлантида- историскиот Астраион,латински наречен Тивериопол- современа Струмица. Дојдете, видете, проценете!!! Повеќе →

Прес конференција на ОО СДСМ Струмица – 11.09.2012

Прес конференција на ОО СДСМ Струмица – 11.09.2012

Почитувани,
Откако ја доведоа државата до питачки стап, ги задолжија граѓаните до највисоко ниво и го поделија народот, луѓето од ВМРО ДПМНЕ лицемерно побараа да го слушнат мислењето на граѓаните.

Откако ја направија државата рекордер во сиромаштија и мизерија, земја во која платите се со најмала куповна моќ а поскапувањата се секојдневни и претставуваат кошмар, откако граѓаните ги принудија да станат експерти за покривање на рати преку неколку кредитни картички, прашуваат за потребите на граѓаните.
Откако економијата, стопанството и индустријата ги фрлија на колена а земјата ја направија зависник од кредити, ВМРО ДПМНЕ бара идеи.
Откако направија граѓаните, сопствениците на мали продавници и стопанствениците да имаат уплав од превисоките казни и глоби од инспекторите за најситни пропусти, ВМРО ДПМНЕ бара предлози.

Откако непродуктивното трошење на парите од граѓанните по разни реклами, споменици, скапи огради и жални врби, им стана омилена активност, луѓето од ВМРО ДПМНЕ безобразно побараа да го слушнат барањето на обичниот човек.

Какво лицемерие.
Е па господа од власта, со оглед на тоа што вчера не добивте ниту еден предлог и за половина час го кренавте штандот, редно е да ви стане јасно дека граѓаните на општина Струмица има каде да ги даваат своите идеи. Оти знаат дека само локалната самоуправа предводена од градоначалникот Зоран Заев може да им ги реализира.
И ако навистина сакате нешто да направите за сограѓаните, запрете го бесправното сечење на шумата околу струмичкиот регион. Еве ви и видео материјал за да се уверите како се уништува зелениот појас околу градот.

Социјалдемократскиот сојуз на Македонија ОО Струмица ви ја упати првата идеа, Вие сте на ред – Запрете го безмилосното загрозување на нашите бели дробови.
Институциите на власта конечно нека се фатат за работа.

Capture