Учениците и професорите разговараа за проблемите во средношколското образование

По повод Светската недела на учениците, дебатниот клуб ‘Carpe diem’ којшто функционира во рамките на Младинскиот совет, одржа дискусија помеѓу професорите и учениците од четирите средни училишта на тема „Образованието на средношколците“.
Дебата е водена на основа на спроведени анкети меѓу 400 средњошколци кои како свои главни проблеми ги истакнаа: недостигот од практична работа, недоволно опремени кабинети, неинформираноста и пасивноста на правата на учениците, недостигот на учебници за сите средношколци, како и различниот обем на програмата во различни училишта.
Но, и професорите имаа замерки на својата професија- немање доволно права за санкции на нечесни ученици, лоши услови за практична настава, застарена програма, слаб контакт со Министерството за образование.
Меѓутоа, сите учесници во дебатата едногласно се сложија дека ниту матурата ниту екстерното оценување не е потребно, а беа дадени и голем број на предлог-решенија на овие проблеми, а како што кажуваат од ‘‘Carpe diem’, средните училишта преку своите претставници и во наредни период ќе организират вакви средби со цел да ги разоткриваат и решаваат своите проблеми.

 

 

Временска прогноза за среда, 21 ноември

Времето денес умерено облачно со слаби врнежи на дожд. Дневна температура до 15 степен.

Поплавата влијаеше на резултатите од струмичаните во Венеција

Ристе Киров и Миливој Велиновиќ ја претставуваа Струмица и клуб ,,Еделвајс’’ на натпреварувањето во спортска ориентација која се одржа во цела Венеција. Киров заврши на 15-то, а Велиновиќ на 30-то место.

Кажуваат дека поплавата која се случила во Венеција за време на натпреварот (70% од градот бил под вода, нивото на вода достигнало 160цм) доста влијаело на тоа да постигнат подобри резултати.

,,Додека некои натпреварувачи веќе стартувале, јас чекав плимата да се повлече, да имам подобар резултат. Но, излезе дека требало да почекам уште малку бидејќи јас стартував околу 10:00 часот, и сеуште имаше доста вода во градот. За мене лично оваа натпреварување е големо искуство бидејќи овој вид на градски трки е еден од најтешките за ориентација, како да се движиш во лавиринт, бидејќи и самата Венеција е таква’’ – кажува Ристе за StrumicaCity.

Клуб ,,Еделвајс’’ веќе започна со припремите за натпреварувањата во 2013.

 

Утре ќе бидат засадени 250 чемпреси кај Двата пата

Градоначалникот Зоран Заев и администрацијата на општина Струмица, утре среда (21.11.2012 година), ќе вршат пошумување во околината на градот. На локација кај Двата пата, во непосредна близина на местото што беше опожарено во јули оваа година, ќе бидат засадени 250 репрезентативни садници на чемпрес, набавени со средства од буџетот на општина Струмица. Автобусите кон Двата пата ќе тргнат во 9, 30 часот од пред зградата на општина Струмица.

Одржана трибина под мотото „Премолчувањето значи соучесништво’’

По повод Светскиот ден на превенција од злоупотреба на децата, англискиот клуб „ SQUARE’’ организираше трибина на тематика педофилија со мотото „Премолчувањето значи соучесништво“.
Цел на трибината е да се поттикне јавната свест против злоупотребувањето на децата, а на неа учествуваа повеќе стручни лица од оваа област – вработени во СВР Струмица, Социјални грижи – Струмица, СОУ „Јане Сандански“ и други институции.

 

 

 

 

 

Временска прогноза за вторник, 20 ноември

Денес во Струмица облачно, а во текот на денот ќе има слаб дожд. Дневна температура до 14 °C

 

Соколарството во праисторијата, во светот и Македонија

По дефиниција соколарството е уметност во ловењето со дресирана птица грабливка- сокол, јастреб и орел- и пленот што ќе го ловите, е во зависност со каква птица имате дресирано, на пример: со орел се лoви зајак, со сокол се лови еребица, фазан или гулаб, но понекогаш и врани. Но, најголем замав во соколарството зема јастребот кокошкар, бидејки јастребот е птица која лови се што има на менито пред себе (зајак, фазан, гулаби, врани) и што е најважно, јастребот лови од рака  на земја и на воздух додека соколот лови исклучиво во воздух, и дресурата на соколот и јастребот се многу различни. Иако за соколарството има многу да се напише, сепак, еве едно кратко резиме на соколарството во праисторијата во светот, но и во нашата Република Македонија.

Соколарството е еден од најстарите видови на спорт од постоењето на животот на земјата. Некои преданија, но и артефакти, укажуваат дека соколарството постоело, најпрво, како опстанок за храна и првите идеи во соколарството за дресирање птица грабливка ги натерало луѓето бидејќи виделе колку птицата грабливка е успешна во ловењето на месната храна за да опстане. Подоцна дошле до големи резултати за опстанување, а  соколарството не  останало како опстанок за преживување туку  соколарството се претворило во спорт,уметност и традиција кај кралевите, витезите и другите племенити луѓе. Во минатото соколарството е познато како спорт на кралевите и витезите.

Соколарството има долга и истакната историја и е толку стар спорт и уметност што никој во светот незнае од каде точно потекнува  почетокот на соколарството. Но, некои архиеолошки предмети и податоци   укажуваат дека соколарството потекнува пред 4.000 години во Кина и Монголија, други документи и артифакти покажуваат дека потекнува 1700 години пред нашата ера од Азија, Персија, Кина, Јапонија и околните земји.

Во Арапскиот свет до ден денес соколарството е не само спорт и уметност, туку е долговековна традиција, а од арапите соколарството се проширило во кралствата на западна  Европа.

Во Западна Европа соколарењето било строго определено  според позицијата на функција во самото кралство, што значи, по висина функцијата и  авторитетот се определувала одредена врста на птица грабливка, како на пример: орел за кралот, гир-бел сокол за принцот, сив сокол за војсководецот, јастреб за витезот, додека мерлин за дамата и јастреб кобец за свештеникот.

Кралското соколарство до ден денес се пренесува преку многу документи и преданија од англиската монархија.

Соколарството во праисторијата на Р. Македонија

Приказот на птици грабливки (соколи и орли) се забележува на сaркофогот, откриен во црквата на Самоил, Св.Ахил на Преспанското Езеро кој датира од 986-900 година. Во овие композиции птиците грабливки се прикажани како напаѓаат животни како камила во едниот случај, и водена птица во другиот случај, така што се докажува религиозното и симболично значање, но треба да се обележи дека приказот на птиците грабливки го опишува нивното реално движење додека ловат.Архиелошките артeфакти во кои има симболи на птици грабливки докажува за древноста на една земја и нејзините стари корени. Соколот и орелот добиваат симболично, историско и религиозно значење. Присуството на соколот и орелот се слики во материјалната култура од Република Македонија може да се проследи наназад до праисторијата. Овој краток преглед се однесува само на еден дел од артeфактите на оваа територија.

Во религиозната уметност на Македонија се откриени и две гранитни плочи во црквата Св.Софија  во Охрид кои датираат од 1037-1045 година. На овие две плочи се представени грабливките како го носат  пленот, во едната како орелот носи змија која може да се толкува како симболичен христијански мотив, додека во другата плоча орелот во канџите држи зајак.

Симболите на орел и сокол се откриени дури и во секуларната материјална култура од средновековниот период на Република Македонија. Птиците грабливки биле насликани на луксузниот накит (прстени и обетки) кои датираат од Xl-XV век кога најчесто преставувале богат подарок за посебни и конкретни личности.

Со завршување на оваа тема би сакал да го спомнам примерот-приказ на соколар во манастирот „Св.Јован’’ на Патмос од XII век. Иако далеку од територијата на Македонија, но овој остров во споменатиот период бил дел од Византиската империја во која влегувала и Македонија. Бидејки постои пример на соколар од XII век, се предпоставува дека постоеле и амбициозни соколари низ целата Византиска империја.

автор: Доне Тодоров

 

Три трибини во наредниот период во организација на Младинскиот Совет | – www.strumicacity.com – |

Младинскиот совет во соработка со ФОН Универзитетот, во согласност со годишната програма, во наредните три недели ќе организира јавни трибини на повеќе теми.
„Целта на трибините е да се развива дијалог кај младите кој што во моментот многу малку се  практикува, младите да се запознаат со актуелните проблеми и состојби, но и сите граѓани„- кажува Ѓорги Тасев, член на Младинскиот Совет.
Првата трибина на тема „Електронска трговија и граѓанско партиципирање на граѓаните во локалната самоуправа, ќе се одржи на 22 ноември, втората трибина со наслов „Актуелните состојби во македонското новинарство” е закажана за 26 ноември, а на 4 декември ќе се дискутира на тема „Актуелните состојби и перспективи на Република Македонија”.

 

1 600 913 денари соберено досега за Соборниот храм ,,Успение на Пресвета Богородица”

По месец дена откако започна кампањата за собирање донации за Соборниот храм ,,Успение на Пресвета Богородица” вкупно соберени се 1 600 913 денари благодарејќи на 1262 граѓани и 160 фирми. Градоначалникот Зоран Заев на денешниот прес се заблагодари на сите кои финансиски помогнаат изградбата да напредува, а по тој повод изјави:

,, Навистина имаме донации од 50 денари, 20 денари, 100 денари од сите овие 1422 донатори. Но, вопшто нее важно кој колку денари има дадено. Крајниот апел е да донираме сите, да овој објект го чуствуваме за свој и да знаеме дека едно камче сите имаме вградено внатре заради тоа што се работи за Божји храм за кој, што се надевам, дека во иднина сите ќе доаѓаме и го посетуваме.“


Како иницијатор на оваа кампања, градоначалникот се заблагодари и на фирмите кои помогнаа финансиски, но и со обезбедување на работници и материјали за изградба на храмот.

До сега фирмите имаат донирано 652 668 денари, додека граѓаните вкупно уплатиле 948 245 денари.

Интервенции на ТППЕ – Струмица во изминатата недела

Во изминатата недела територијалната професионална противпожарна единица на Струмица имала вкупно четири интервенции. Со пожарникари и возила се интервенирало на три локации во градот, на улицата „Браќа Миладинови”, на Булеварот Г.Делчев и на ул.,,Ѓорѓи Василев со гаснење на запален оџак од колективна станбена зграда, гаснење на опожарен трговски објект и гаснење на запален отпаден материјал. Освен во градот, пожарникарите имале работа и во с.Костурино . Во с.Костурино се гаснело на опожарена кровна конструкција и оџак од индивидуална семејна куќа. Со брзото делување на противпожарната единица во сите пет случаи, се спречени последици од поголеми размери.