Претставничката на американската невладина организација ,,Young life’’ од Бугарија, Албена Крушева, денеска го посети основното училиште ,,Сандо Масев’’ како една од можните локации за изградба на детско игралиште.

,,Целта на нашата организација е да избереме простор помеѓу неколку градинки и училишта и тука да направиме игралиште за деца на возраст од 7-9 години, кое би имало справи за играње, клупи и столчиња за пикник, сето тоа направено од дрвен материјал. Училиштето ,,Сандо Масев’’ е една од подобрите локации бидејќи е во центарот на градот и би било на располагање на многу други градинки и училишта кои се во близина, а тоа е и еден од нашите услови за да може игралиштето да биде користено од што повеќе деца’’, изјави Албена.

Невладината организација “Young life“, исто така планира проект познат како Меѓународен пролетен распуст на кој учениците од средните училишта од Западна Еропа посетуваат помалку развиени земји и им помагаат во средување на училиштниот простор. Следната година во април, тие ќе бидат гости на Струмица.

http://www.facebook.com/media/set/?set=a.270907259692526.62741.261733853943200&type=1

Вечерва се спушти завесата на дваесетото издание на Фестивалот на камерен театар ,,Ристо Шишков’’. Со едногласната одлука на жирито, наградата за највисоко актерско остварување ја доби Никола Ристановски за улогата Молиер во претставата ,,Животот на Молиер“. За најдобрите покажани актерски квалитети, градоначалникот Зоран Заев му врачи на Ристановски златен медаљон со ликот на бардот на македонското глумиште, Ристо Шишков и парична награда од 1500 евра.
Според театарската критика, претставата на Битолскиот театар ,,Хенри шести’’, ја доби наградата за најдобра претстава во целост, а за најдобар сценски настап ,,Ѓаволијада’’ од Шабац.

>>>>ГАЛЕРИЈА<<<<

Времето денес умерено облачно со можни врежи во текот на денот и грмотевици во текот на ноќта

Максимална дневна температура до 25 степен.

Програма на ФКТ ,,Ристо Шишков’’ за четврток, 13 септември

19:00 ч ПРОМОЦИЈА Ј. Плевнеш

20:30 ч

Македонски Народен Театар ЖИВОТОТ Е СОН 

режисер: Владо Цветановски

СВЕЧЕНО ЗАТВАРАЊЕ

Добитник на наградата за највисоко актерско остварување на Фестивалот на камерен театар „Ристо Шишков„ за 2012 е Никола Ристановски, првак на Македонскиот народен театар, за улогата на Молиер во преставата „Животот на Молиер„.

Така одлучи петчлената меѓународна жири комисија, а одлуката ја соопшти претседателот на истата, минатогодишниот лауреат Борис Чоревски. „Во наведената роља, Ристановски со мајсторска минуциозност ги владееше сценските ситуации и супериорно се наметнуваше како перфектно зрел актер, претставувајќи сугестивен лик обоен со сите свои квалитативни одлики. Имено, неговата маестрална телесна пластичност и говорната артикулација беа пример за високо професионално водење на драмскиот лик со сите свои изразни аспекти. Креацијата на Никола Ристановски, безрезервно се истакна во текот на целиот овогодишен фестивалски репертоар“, стои во образложението на жири комисијата.Шишков“ 2012 е актерот Никола Ристановски, првак на Македонскиот народен театар,  за улогата на Молиер во претставата „Животот на Молиер„.

Наградата, златен медаљон со ликот на бардот на македонското глумиште, Ристо Шишков и паричниот износ од 1.500 евра, вечерва на свеченото затворање на фестивалот, ќе му ја врачи градоначалникот на општина Струмица, Зоран Заев. Во чест на наградениот актер, ќе биде изведена претставата „Животот е сон“ во режија на Владо Цветановски, а во продукција на Македонскиот народен театар.

Јавното претпријатие за комунални дејности „Комуналец“ почна голема  акција за есенско, генерално чистење на градот и населените места. Се работи на неколку локации, со луѓе и механизација. Акцијата почна во населеното место Добрејци, таму се работеше два дена и од денеска екипите се префрлија во населеното место Куклиш каде комплетно се чистат улиците и другите делови од песок, наноси и разновиден отпад. По Кулиш, акцијата продолжува во Просениково, Вељуса, но и во сите останати населени места кои гравитираат кон општина Струмица. Паралелно со чистењето во населените места, се чистат и пороите во градот. Денеска комплетно се чистеше поројот на улицата „Васил Главинов“, а по него ќе почне и чистењето на поројот на „Крушевска Република“. Акциите за генерално чистење на градот и населените места се традиционални,  кои ЈПКД „Комуналец“ ги спроведува во пролетниот и есенскиот дел од годината.

Временска прогноза за четврток, 13 септември

Времето денес сончево со максимална дневна температура до 29 степен. Во вечерните часови можни врнежи.

Момче од Струмица, отворило лажен facebook профил, на кој се претставувало како државен службеник од Собранието на Македонија, јави МВР.

Единицата за Компјутерски криминал при Центарот за сузбивање организиран и сериозен криминал при МВРподнесе кривична пријава против К.К.(17) од Струмица, за сторено кривично дело “злоупотреба на лични податоци” по член 149 ст.1 од КЗ на РМ.

Пријавениот, во текот на август 2011 година без знаење и согласност на оштетеното лице, функционер во Собранието на Република Македонија, извршил злоупотреба на личните податоци од оштетеното лице на тој начин што преку интернет симнувал јавно објавени фотографии од оштетениот со чија помош на социјалната мрежа за дружење и ширење познанства www.facebook.com објавувал содржини во вид на текст, стекнувал познанства и обавувал разговори со повеќе лица, претставувајќи се во име на функционерот.

При преземањето на мерките и активностите од страна на Единицата за компјутерски криминал за откривање на лицето кое ги злоупотребило податоците е утврдено дека постои регистриран профил со наведените податоци, пронајдени се повеќе фотографии и текстуални содржини постирани од име на функционерот.

Преку одговорните лица на социјалната мрежа за дружење facebook се побарани податоци за IP адресата од која е креиран и одржуван наведениот профил при што се добиени логови на ИП адреси за бараниот профил.

Од извршените проверки за тоа кое лице ја користело IP адресата од која е креиран и одржуван наведениот профил е утврдена локацијата од каде е пристапувано до истиот, односно домот на пријавеното лице во Струмица.

Од извршениот претрес во домот на пријавеното лице при што е пронајдено и одземено компјутерско куќиште од кој пријавениот пристапувал на интернет и истото е доставено на вештачење во Одделот за криминалистичка техника во МВР.

Од извршеното вештачење утврдено е дека на одземениот компјутер се наоѓаат повеќе фајлови и податоци од кои се потврдува дека со одземениот компјутер е пристапувано на лажно креираниот профил на www.facebook.com.

Исто така пронајдени се и веб страниците на интернет од каде што се симнати фотографии подоцна користени при креирање на профилот.

превземено од: hajdpark.mk

Програма за среда на ФКТ ,,Ристо Шишков’’ 12 септември

19:00 ч

Театарска и филмска куќа АКТ АКТЕР ВО КУТИЈА 

режисер: Ментор Зумберај

20:00 ч

НУ Народен Театар ХЕНРИ VI

режисер: Џон Блондел

23:00 ч

Шифт Театар II ИЗВОРОТ НА СЛИКАТА

режисер: Барбара Новаковиќ

24:00 ч

1+1=1 Театарска Компанија КАСАНДРА

режисер: Деспина Сарафејду – Евангелиа Андрицану

Најчести проблеми со кои што се соочуваат службите во секторот за урбанизам и комунални дејности во легализација на дивоградбите во Струмица се нерешените имотни проблеми и непочитувањето на законскиот рок од десет дена за плаќање на таксата.
Согласно законот за постапување со бесправно изградени објекти, Секторот за урбанизам и комунални дејности, досега издал 650 решенија за легализација на дивоградби. Од вкупно поднесените 9.300 барања, од страна на граѓаните се доставени само 2.200 елаборати, од кои за 1.300 е донесена урбанистичка согласност. Според информацијата од Стојан Динев, раководител на секторот за урбанизам и комунални дејности, голем дел од комплетираните барања се во фаза на мирување бидејќи странките се упатуваат во решавање на имотни проблеми за кои одлучуваат други органи. Исто така, од страна на граѓаните не се почитува и законскиот рок од десет дена за плаќање на таксата за легализација по доставувањето на пресметката за предмети за кои е издадена урбанистичка согласност. Од секторот за урбанизам апелираат до граѓаните, да ја комплетираат документацијата за да може да се решаваат барањата за легализација на бесправно изградените објекти.