Запалените оџаци најчеста интервенција на пожарникарите

Територијалната професионална противпожарна единица на Струмица во изминатата недела имала вкупно 11 интервенции. Запалените оџаци била најчестите места каде пожарникарите имале работа.

Дури во шест индивидуални  семејни куќи си гаснеле запалени оџаци, една во населеното место Свидовица, а останатите во градот. Покрај ова пожарникарите гаснеле и запален отпаден материјал, делувале превентивно на можно опожарување на парен котел во индивидуална семејна куќа, а извршиле и техничка интервенција во сообраќајна незгода на патнички моторни возила.

 

 

Студенти од ФОН универзитетот кај градоначалникот Заев

Градоначалникот  Зоран Заев денеска во својот кабинет оствари средба со студентите од втора година на правниот факултет при ФОН универзитетот во Струмица. Во рамките на практичната настава по предметот локална самоуправа студентите одблиску се запознаа со работата на градоначалникот и функционирањето на општината. Директорот Сашо Масев му се заблагодари на градоначалникот Заев за одличната соработка помеѓу општината и универзитетот и посака таа да продолжи и понатаму. Одличната соработка ја потенцираше и градоначалникот Заев кој истакна дека општина Струмица со сите свои институции секогаш стои на располагање за практична едукација на студентите и го изрази задоволството од присуството на овој универзитет во општествените случувања во општината. Тој ги запозна студентите со функционирањето на локалната самоуправа, посебно задржувајќи се на успешните  практики, како што се активното учество  на граѓаните во донесувањето на буџетот преку јавни собири во урбаните и месните заедници, транспарентноста на општината, а зборуваше и за предностите од процесот на децентрализацијата. Одговарајќи на прашањата од студентите, градоначалникот информираше и за функционирањето на останатите области на локалната самоуправа.

 

Во март Васил Пишев и Зоран Заев во трка за градоначалник на Струмица

Како што пишува скај.мк, на престојните локални избори во март, кандидат за градоначалник на Струмица од редовите на ВМРО-ДПМНЕ ќе биде Васил Пишев, приватен стопанственик и пратеник во Собранието на Р.М.

Пишев за свој противкандидат ќе го има Зоран Заев, сегашниот градоначалник на Општина Струмица.

 

Временска прогноза за понеделник, 17 декември

Времето денес  облачно со повремени врнежи на дожд. Минимална  температура 1°, максимална 

 

Фото анкета: Дали струмичани веруваат во Крајот на светот? | StrumicaCity.com

Според преданието на древното племе Маите, останато е уште точно 5 дена до Крајот на светот, на 21.12.2012 година светот ќе биде избришен. Медиумите веќе со месеци зборуваат во реалните можности да тоа се случи, а многу Американци веќе добро се имаат опремено со храна и скривалиште бидејќи веруваат дека се приближува судниот ден. Но, што за тоа мислат струмичани? Дали можат да се стават во ситуација дека ова со сигурност ќе се случи и кога би имале една замислена, имагинарна арка, како Ное, што би сакале да спасат од Струмица, а што би сакале да пропадне со крајот на Светот во неа?

Не верувам дека ќе дојде до катаклизма, али  делуимично има по нешто што се случува во светот и  подсеќа на тоа, како цунами, оркани, поплави… Само од добрина не се живее, па во арката би зел и некои материјални добра: разни семиња од житни и градинарски култури…. и компјутерот!  Би ги оставил омразата, љубомората, нечовештоината, и сите лоши особини.

Иван Котев

 

За крај на светот постојат многу верувања и досега некои од нив требаше да се ,,случат’’, но ништо од тоа (барем за сега), а во споменатото верување на Маите, неверувам. Ако некогаш треба да се случи kрајот на Светот, мислам дека не би имала потреба да понесам нешто, бидејќи, тоа би било КРАЈ на светот. А доколку имам можност да понесам нешто и да биде тоа нешто зачувано, би ја зачувала позитивната енергија, радоста, љубовта, надежта и верата, искрените пријателства. Нив ги сметам како темел на еден добар живот и меѓучовечки однос за здраво општество, т.е свет кој би сакала да постои.

Мери Туџарова

 

Не верувам дека ќе се случи крајот на светот, бидејќи, Маите ако биле толку паметни ќе го предвиделе нивното пропаѓање. Инаку, цела Струмица би ја зел со мене на бродот бидејќи не сакам ништо да пропадне од Струмица.

Миле Панов

 
 

Древното верување на Маите, дека ќе се случи апокалипсата е нивна традиција и размислување, кое треба да се почитува од сите народи во светот, без разлика дали тие веруваат или не, и кој е нивниот одговорот врз основа на тоа прашање.Сигурно, Маите врз основа на нивните верувања, имале причина да ја одредат апокалипсата на тој ден 21 декември 2012 година.
Јас искрено не верувам дека крајот на светот ќе се случи.
А, ако се најдам на таа имагинарна арка, би ги зела со мене моите омилени сувенири, и книги, а пред се книгите со драми за да не ми биде досадно. Би ставила и некои специфични работи, кои досега и давале обележје на Струмица како град, а тоа се идеите,спортот, уметноста, театарот, музиката, а многу би сакала да пропаднат зависта и љубомората што се шират меѓу граѓаните во Струмица.

Марија Челебиева

Ноевата арка, распадот на светот, правото на избор… сето тоа е илузија во која би се впуштиле фантазерите.  Живееме во време кога распадот на светот го гледаме секојдневно, правото на избор е само нереален сон, а новата арка е желбата која е вградена во секој од нас за подобро утре.
Кога целиов овој приказ би го ставил во контекст на Струмица, би сакал да ги земам со мене традиционалните вредности и духот кои полека исчезнуваат во градот, мирисот на леблебија и наут кој ми недостигаат од детството, тропотот и смеата на чаршијата, некое шише Мастика, Струмка.  Секако и неколку добри луѓе, бар такви сеуште имаме во градот.

Митко Гогов

Не верувам , но за жал сепак мислам дека има можност тоа да се случи во некои наредни години. Струмица е многу убав, среден град, исто така ќе го издвојам трговскиот, плоштадот, историјата на градот и многу други знаменитости и не би сакала тоа да пропадне, затоа сето тоа би го понела на својата арка.

Фросина Андреева

 

Временска прогноза за недела, 16 декември

Времето денеска облачно со повремени врнежи на слаб дожд во текот на денот. Дневна температура до 6 степен.

Во втора фаза проектот „Во светот на детето“

Во рамките на проектот „Во светот на детето“, денес се реализираше вториот дел од работилниците наменети за воспитувачите од градинките во Струмица за креирање на креативен курикулум.  На воспитувачите им беа презентирани  методите и активностите во ликовните творби, а еден  од учесниците на овој проект, Гордана Георгиев,изјави:

„Денес се запознаваме со ликовно воспитање и образование, и култура на говорот.  Минатиот пат имавме запознавање со природа и опшеството и физичко воспитување. Овде имаме предавања, вежби и практични примери каде што ние сами воспитувачите стекнуваме нови знаења, се запознаваме со современите методи и на тој начин  автоматски го  збогатуваме самиот процес на воспитување во детските градинки и го правиме престојот на децате што поинтересен’’

Овој проект е организиран од Општина Струмица и Организација на жени од Струмица во соработка Факултетот за образовни науки при Универзитетот „Гоце Делчев“ од Штип.

 

 

 

Временска прогноза за сабота, 15 декември

Времето денеска умерено облачно со можни врнежи на дожд во вечерните часови. Максимална дневна температура до 8-ми степен.

Жан Зимбаков кандидат за градоначалник на Босилово од СДСМ

Како што пишува вис.мк, полицискиот службеник од Секторот за внатрешни работи во Струмица, Жан Зимбаков, е кандидат за  градоначалник за престојните локални избори во Босилово од редовите на Социјалдемократите.

Инаку, Босилово според првичниот коалициски договор на опозицијата, беше предвидена за ВМРО НП, но по последните разговори е констатирано дека Жан Зимбаков од СДСМ е најдоборото решение за симнување на ВМРО ДПМНЕ од власт во општина Босилово, која сеуште тактизира за можниот каднидат за градоначалник на престојните лоаклни избори закажани за март идната година.

извор: вис.мк

 

 

Реакција од Општина Струмица на прес на ОК ВМРО-ДПМНЕ

По повод денешната прес конференција на ОК ВМРО – ДПМНЕ од Струмица на која порталот СтрумицаСити не беше повикан, Општина Струмица реагираше:

Почитувани,

Наместо да покажат малку доблест и да признаат дека буџетот на општина Струмица за 2012година е со реализација од 92%, луѓето од    ОК на ВМРО-ДПМНЕ Струмица како давеници кои се фаќаат за сламка и бараат игла во стог сено, пронајдоа нереализиран Проект кој се однесува на уредување на патеката од „Ловен Дом” до „Цареви Кули” и нејзино осветлување.

Да, овој Проект не е реализиран иако строго наменските средства од 3 милиони денари се обезбедени и чекаат да бидат ставени во функција. Сите постапки за остварување и на оваа од многуте реализирани ветувања на градоначалникот Зоран Заев ќе бидат отпочнати откако Општина Струмица ќе добие согласност од Заводот-Музеј Струмица, институција која врши археолошки-конзерваторски работи на „Цареви Кули” и во чија надлежност е споменатиот локалитет, а на тој начин ќе бидат запазени сите позитивни законски прописи во Република Македонија.

Дами и господа од ОК на ВМРО-ДПМНЕ и овој Проект ќе биде реализиран како и над 2000 проекти пред тоа во овие неполни 8 години. Цела Струмица им се радува на овие проекти, само Вие никако да соберете храброст да го сторите тоа.

Со почит,

                                                                                    ОПШТИНА СТРУМИЦА

                                                                                                                 Одделение за административна поддршка

                                                                                                               на Градоначалникот

                                                                                            Никола Годев

Capture