Category: Струмица

Градоначалникот Заев го посети здружението на глуви и наглуви лица во Струмица

По повод на Меѓународниот ден на глувите, градоначалникот Зоран Заев, денеска се сретна со членовите на здружението на глуви и наглуви лица во Струмица. Средбата помина во срдечна и опуштена атмосфера во која членовите му се заблагодарија на градоначалникот за досегашната соработка  и неговата несебична помош во решавањето на нивните индивидуални, но и заеднички проблеми што ги имаат во здружението. Откако се пожалија за тешката состојба во која се наоѓаат, присутните членови и на денешната средба побараа градоначалникот да им помогне да најдат работа, да се ослободат од плаќање на надоместокот за вода, да купат лекови, да ги поддржи на спортските натпревари во кои ќе учествуваат, но и да им помогне во уредувањето на просторот пред здружението, каде најчесто се собираат и дружат.

Информираа и дека планираат издавање на медицински прирачник за глуви и наглуви лица кој многу ќе им помогне во барањето на медицинска помош. Откако ги слушна нивните барања, градоначалникот Заев им рече дека, како и досега, така и понатаму, тој и општината во рамките на своите ингеренции ќе им помогнат во решавањето на нивните проблеми и во реализирањето на нивните идеи, се со цел да имаат поубав живот, со многу среќни моменти во него. Денешната средба се одржа во пресрет на меѓународниот ден на глувите лица – 28 септември.

 

Временска прогноза за среда, 26 септември

Уште еден сончев и топол ден во Струмица со дневна температура до 31 степен.

 

www.weather4umbrella.com

Германската компанија ,,Вајсхаупт” на градоначалникот Зоран Заев му го додели признанието ,,Чувар на огнот”

Денес Општина Струмица како домаќин го одбележи Денот на Вајсхаупт и ги угости претставниците на оваа светски позната германска компанија за производство на опрема за гас. До сега овој ден се обележаваше во Скопје, додека Струмица денеска за прв пат ја доби таа чест благодарејќи на општината со проектот за гасификација кој е во финална фаза, а за визијата и реализацијата, градоначалникот Зоран Заев го доби признанието ,, Чувар на огнот”

Покрај градоначалникот Заев, вакво признание доби и директорот на „Струмица гас“ Зоран Китанов, како и Миле Младеновски, сопственик на фирмата „Кратер“, одговорна за монтажа и пуштање во употреба на гасификацијата на Струмица и  Илија Тикваровски од фирмата „Мартик’ која врши проектирање на термотехничка инсталација.

 

 

 

 

Заврши реконструкцијата на булеварот ,,Ленинова”

Денеска беше поставен втор слој асфалт на булеварот „Ленинова“ во Струмица, со што комплетно заврши реконструкцијата на коловозот на еден од најфреквентните булевари во градот. Со реконструкцијата е опфатена вкупна површина од 4.500 метри квадратни и дополнителни 500 метри квадратни со проширувањето пред ученичкиот дом  „Димитар Влахов“ и кај основниот суд Струмица. Со овој градежен зафат значително се зголемува безбедноста во сообраќајот во централното градско подрачје.

Како што известуваат од општина Струмица, инвестицијата чини 4 милиони и 800 илјади денари, а средствата се обезбедени од буџетот на општина Струмица.

Започна реконструкција на кровот од училиштето во Банско

Во населеното место Банско почна реконструкцијата на кровот на училиштето „Маршал Тито“. Во овој градежен зафат учествуваат Агенцијата на САД за меѓународен развој  (УСАИД) и општина Струмица со вкупно 1.601.236 денари. Во демонтажата на стариот кров учествуваа претставници од локалната заедница, а изведувач на работите е фирмата „Анол Импекс“ од Скопје.

Временска прогноза за вторник, 25 септември

Временска прогноза за вторник, 25 септември

Времето денес топло и променливо со повремени заоблачувања. Дневна температура до 32 степен.

,,Еделвајс’’ со нови победи

Методи Белчовски го освои второто, а Васе Илиев третото место на Меѓународниот натпревар во спортска ориентација, Банско Опен 2012 кој се одржи овој викенд во Банско, Бугарија. Тие го постигнаа најдобрите резултати за клуб ,,Еделвајс’’ од Струмица во категорија за машки до 16 години: ,,Задоволни сме од постигнатите резултати бидејќи тоа беше ноќна трка, долга околу 5 километри и доста тешка бидејќи натпреварувачите сами се снаоѓаа во целосен рак само со еден челни фенер’’ изјави Ристе Киров за StrumicaCity.

Се чисти поројот на улицата „Крушевска Република“

Aкцијата за големо есенско чистење во градот и населените места, продолжи и денеска. Уште од раните vутрински часови екипи на јавното претпријатие за комунални дејности „Комуналец“ го почнаа чистењето во горниот дел од поројот на улицата „Крушевска Република“ преку вадење на наносите од песок и чакал и разновиден отпад. Овие акции на „Комуналец“ се редовни во есенските и пролетните месеци и имаат за цел одржување на јавната чистота во градот и населените места.

 

 

Промовиран кандидатот за градоначалник на Ново Село од редовите на СДСМ

 

Синоќа во Домот на културата во Ново Село се промовираше кандидатот за градоначалник на општина Ново Село од редовите на СДСМ за претстојните локални избори 2013, досегашниот градоначалник Петар Спасов. По спроведената анкета на територија на општина Ново Село, граѓаните задоволни од досегашното раководење на општината од страна на Петар Спасов како и раководството на ОО СДСМ Ново Село.

Спасов презентираше дел од решенијата кои тој и партијата ги нудат, а покрај него збор зеде и градоначалникот на општина Струмица и потпретседател на СДСМ, Зоран Заев.

Временска прогноза за понеделник, 24 септември

Временска прогноза за понеделник, 24 септември

Времето денес топло и сончево со дневна температура до 29-ти степен.