Category: Струмица

Спартмани загубија и од Младост Удово

Екипата на Спартмани запиша нов пораз, откако во 5. коло од Третата лига – Југоисток со 2:1 загуби од Младост Удово на гостински терен.

ФОТО: Струмица Сити

ФОТО: Струмица Сити

За Спартмани оваа е четврти сезонски пораз од исто толку натпревари и без ниту еден бод се на последното место на табелата. За екипата на Младост Удово ова е прва сезонска победа, и со трите освоени бодови е на деветтото место на табелата.

Во следното коло Спартмани на домашен терен ќе играат против Дојранско Езеро од Дојран, додека Младост Удово ќе гостува во Виница кај Слога.

 

Тиверија го претрпе првиот сезонски пораз од Овче Поле

Фудбалерите на Тиверија го прептреа првиот сезонски пораз, откако во Свети Николе со 2:1 беа поразени од Овче Поле, во натпревар од 5. коло од Третата лига – Југоисток.

ФК Тиверија - ФК Овче Поле - во Свети Николе 5. коло Трета лига - Југоисток

Тиверија ја пропушти можноста со евентуална победа да се зацврсти на лидерската позиција. По поразот, струмичани ја делат првата позиција со Слога, Овче Поле и Василево со по 12 бодови.

Во следното коло Тиверија е слободна, додека Овче Поле гостува кај Брегалница Делчево.

 

Беласица ремизираше со Брегалница

Беласица одигра нерешено во дерби натпреварот со Брегалница играјќи 0:0, во натпревар од 8. коло од Втората македонска фудбалска лига – Исток.

Иако немаше голови на овој натпревар, на стадионот „Благој Истатов“ се гледаше одличен натпревар со голем број на шанси. Двете екипи си ги поделија бодовите.

Screenshot_20191013-153129_Chrome

Со оваа реми екипата на Беласица е трета на табелата со 19 бодови, додека Брегалница со 15 бодови е на четвртотот место. На табелата има нов лидер, а тоа е екипата на Кожуф од Гевгелија со 20 бодови, исто толку бодови има и Тиквеш кој сега е втор на табелата.

Во следното коло Беласица ќе има повторно дерби дуел, овој пат на гостински терен кај екипата на Тиквеш во Кавадарци, додека Брегалница ќе игра на домашен терен против Кожуф од Гевгелија.

ЖФК Тиверија со убедлива победа над ЖФК Топ Гол

ЖФК Тиверија Струмица во 5. коло од Првата женска фудбалска лига запиша убедлива победа, откако со 9:0 на домашен терен ја декласираше екипата на ЖФК Топ Гол од Битола.

FB_IMG_1570921161175
За ЖФК Тиверија Струмица настапуваа: Панчурова, Николова, Бошеска, Недева, Бошевска, Ристовска (с), Р. Велкова, Божиновска, С.Велкова, Николовска, Димоска. Во игра влегоа и: Панеска, Головска и Цунева

Стрелци на головите беа Димоска со три гола, С.Велкова со тро, Николовска два гома и Р. Велкова еден постигнал гол.

Тиверија со оваа поведа е четврта на табелата со 12 бодови, а лидер останува екипата на Прилеп со 15 бодови.

Во следното коло ЖФК Тиверија Струмица ќе игра против дерби натпревар со ЖФК Прилеп.

ЖФК Тиверија денес игра против ЖФК Топ Гол

Фудбалерките на ЖФК Тиверија Струмица денес ќе играат против ЖФК Топ Гол од Битола, во натпревар од 5. коло од Првата женска фудбалска лига.
ЖФК Тиверија Струмица - ЖФК Љуботен - сениори - во Тетово

ЖФК Тиверија Струмица е четврта на табелата со 9 освоени бодови, додека ЖФК Топ Гол е на 9. место со четири освоени бодови.

Натпреварот меѓу ЖФК Тиверија и ЖФК Топ Гол се игра на Општинското игралиште “Филип Лазаревски” во Струмица, со почеток од 15:00 часот. 

Познати судиите за дерби натпреварот меѓу Беласица и Брегалница

Во недела на стадионот „Благој Истатов“ во Струмица, Беласица ќе го одигра дерби натпреварот со Брегалница од Штип, во натпревар од 8. коло од Втората лига – Исток.

Беласица - Осогово - Струмица - 6 коло ВМФЛ -Исток

Главен судија на овој натпревар ќе биде Ецкоски Марјан од Охрид, а негови помошници ќе бидат Бакрачески Разме од Струга и Дрнковски Николче од Битола. Четврт судија на натпреварот ќе биде Ралевски Благојче од Битола.

За делегат на натпреварот е одреден Петров Благоја од Велес, додека за контролор одреден е Петковски Зоран, исто така од Велес.

Во моментот Беласица е на второто место со 18 бодови, и само бод помалку од првопласираниот Тиквеш, додека Брегалница има 14 бодови и се наоѓа на четвртото место на табелата. Струмичани веќе во следното 9. коло играат повторно дерби натпревар со Тиквеш во Кавадарци.

Натпреварот меѓу Беласица и Брегалница ќе се игра со почеток од 15:00 часот.

РК Астраион во недела против Јуниор К.В. во Струмица

Ракометарите на РК Астраион во недела во „Парк“ во Струмица ќе го одиграат натпреварот од 5. коло против екипата на Јуниор К.В.

АРХИВА

АРХИВА

Во моментот Астраион има освоено 7 бодови, но има натпревар помалку, бидејќи во првото коло беше слободен, додека Јуниор К.В. има шест освоени бодови.

Судиска двојка за овој натпревар ќе бидат Александар Вукашиновски и Мирко Трајковски од Скопје, додека делегат на натпреварот ќе биде Мамер Реџепи, исто така од Скопје. Натпреварот се игра со почеток од 20:30 часот.

Спартмани гостува кај Младост Удово

Екипата на Спартмани од Градско Балдовци, во 5. коло од Третата лига – Југоисток ќе гостува кај Младост од Удово.

ФОТО: Струмица Сити

ФОТО: Струмица Сити

Двете екипи се уште се без освоени бодови. Спартмани е последен на табелата без бодови, додека Младост Удово е деветти исто така без бодови. Покрај овие две екипи, без бодови се уште е и екипата на Малеш од Берово, која во моментот е на десеттото место на табелата.

Беровски Малеш во 5. коло ќе игра на домашен терен против Василево, гостите на овој натпревар важат за апсолутни фаворити за победа. Во Свети Николе, Овче Поле ќе ја пречека Тиверија од Струмица, Дојранско Езеро ќе биде домаќин на Детонит од Радовиш, а Раклиш на градскиот стадион во Радовиш ќе биде против Брегалница од Делчево.

Тиверија гостува кај Овче Поле во Свети Николе

Екипата на Тиверија во 5. коло од Третата лига – Југоисток ќе гостува кај Овче Поле во Свети Николе.\

Двете екипи имаат максимален скор, односно немаат ниту реми ниту пораз. Тиверија има четири од четири и со 12 бодови ја дели првата позиција на табелата, заедно со екипата на Слога од Виница. Овче Поле има три од три и со 9 бодови е на третото место на табелата. Екипата од Свети Николе во претходното коло беше слободна и затоа има натпревар помалку.

АРХИВА

АРХИВА

Раклиш во Радовиш ќе ја пречека Брегалница од Делчево, Дојранско Езеро ќе игра против Детонит од Радовиш, Малеш во Берово силите ќе ги одмери со Василево, а Младост од Удово на домашен терен ќе игра против Спартмани од Градско Балдовци.

Дерби натпревар во Струмица меѓу Беласица и Брегалница

Во недела, во рамки на 8. коло од Втората лига – Исток, во Струмица на „Благој Истатов“ ќе биде одиграно големото дерби помеѓу екипите на Беласица и Брегалница од Штип.

Беласица - Осогово - Струмица - 6 коло ВМФЛ -Исток

Бодовите од овој натпревар се важни и за двете екипи во борбата за првото место на табелата, место кое директно обезбедува влез во Првата лига. Во моментот лидер на табелата во Втората лига – Исток е Тиквеш со 19 бодови, Беласица е втора на табелата со само еден бод помалку, додека штипјани се четврти со 14 бодови.

Овој натпревар ќе биде дерби на колото и истиот ќе привлече големо внимание. Натпреварот се игра во недела со почеток од 15:00 часот.