Category: Струмица

ЖФК Тиверија во 3. коло од ПЖФЛ против ЖФК Плачковица

ЖФК Тиверија Струмица утре со почеток од 11:00 часот на Општинското игралиште „Филип Лазаревски“ во Струмица, во натпревар од 3. коло од Првата женска фудбалска лига, ќе ја пречека екипата на ЖФК Плачковица од Радовиш.

FB_IMG_1568183239981

ЖФК Тиверија Струмица во овој натпревар влегува како апсолутен фаворит за победа, поради далеку подобрата екипа и искуство во истата, во однос на ЖФК Плачковица.

Во првите две кола, ЖФК Тиверија Струмица запиша една победа и еден пораз и со три бода е на 6-тото место на табелата, додека ЖФК Плачковица има два порази и е без освоен бод.

 

ФК Тиверија сезоната ја започнува против Младост Удово

Фудбалерите на ФК Тиверија од Струмица, новата сезона од Третата лига – Југоисток ќе ја започнат на гостински терен. Во првото коло ФК Тиверија ќе гостува кај екипата на Младост од Удово.

FK_Tiverija.svg

Во Дојран, Дојранско Езеро силите ќе ги одмери со Овче Поле од Свети Николе, додека во Виница, Слога ќе биде домаќин на Брегалница – Сениори од Делчево.

ФК Спартмани од Градско Балдовци во првото коло ќе го пречека ФК Василево, а новајлијата ФК Раклиш од Радовиш ќе гостува во Берово каде силите ќе ги домери со Малеш.

Ланскиот второлигаш Детониот Јуниор од Радовиш, во првото коло ќе биде слободен.

 

 

ФК Спартмани новата сезона ја отвара против ФК Василево

Екипата на ФК Спартмани од с. Градско Балдовци, новата сезона од Третата лига – Југоисток ќе ја отвори на домашен терен против ФК Василево од Василево.

АРХИВА

АРХИВА

Спартмани во првото коло од Третата лига – Југоисток ќе биде домаќин на Василево. Покрај овој натпревар ќе бидат одиграни уште четири натпревари.

Слога во Виница ќе ја пречека Брегалница – Сениори од Делчево, Младост од Удово ќе биде домаќин на ФК Тиверија од Струмица, Малеш во Берово ќе игра против новајлијата ФК Раклиш од Радовиш и Дојранско Езеро во Дојран ќе биде домаќин на Овче Поле од Свети Николе.

Во првото коло, екипата на ФК Детониот Јуниор од Радовиш ќе биде слободна.

Одиграно 5. коло од Првата лига, Академија Пандев лидер на табелата

Денес беше комплетирано 5. коло од Првата македонска фудбалска лига. Во првиот денешен натпревар кој се одигра во Тетово, шампионот Шкендија ја забележа првата сезонска победа, откако со 3:0 го декласираше Работнички.

Академија Пандев - Ренова - Струмица, Младост 5. коло ПМФЛ

Македонија ЃП на свој терен со 3:1 беше сигурна над Борец од Велес, Вардар ја „прегази“ Струга Трим Лум со 3:0, додека Шкупи со минимални 1:0 беше подобар од Силекс.

Вчера беше одигра натпреварот помеѓу Академија Пандев и Ренова, каде „Пандевци“ со 2:0 славеа и останаа лидери на табелата.

Академија Пандев има 13 бодови и е на првото место на табелата, додека Македонија ЃП со 11 бодови е втора на табелата, трет е Вардар со бод помалку. На дното од табелата се Работнички и Силекс со по 3 бода. Борец од Велес е осми на табелата со 4 бода, а исто толку има и Шкендија која е седма на табелата.

Во следното коло Академија Пандев ќе гостува кај Струга Трим Лум, екипа која е на шесттата позиција со 7 бодови.

Академија Пандев го доби дербито со Ренова

Екипата на Академија Пандев го доби дербито со Ренова, откако со 2:0 славеа во натпревар од 5. коло од Првата македонска фудбалска лига.

Академија Пандев - Ренова - Струмица, Младост 5. коло ПМФЛ

„Пандевци“ преку Рајковиќ при дојдоа до водство во 30. минута од натпреварот. Во вториот дел Крстовски пред самиот крај на натпреварот погоди за 2:0, со што победникот на натпреварот беше решен.

Академија Пандев останува лидер на табелата со 13 освоени бодови, додека Ренова со 7 бодови останува на петтата позиција.

Колото ќе биде комплетирано утре, откако ќе бидат одиграни останатите четири натпревари. Актуелниот шампион Шкендија, која игра очајно, во Тетово ќе го пречека Работнички, Македонија ЃП ќе биде домаќин на Борец од Велес, Шкупи ќе игра против Силекс на домашен терен и Вардар силите ќе ги одмери со новајлијата Струга Трим Лум.

Во следното коло Академија Пандев ќе гостува во Струга, кај екипата на Струга Трим Лум.

Познати судиите за натпреварот помеѓу Беласица и Кожуф

Во недела на “Младост” во Струмица, Беласица ќе биде домаќин на Кожуф, во натпревар од 4. коло од Втората лига – Исток.
Screenshot_20190907-171808_Chrome

Главен судија на натпреварот ќе биде Иванов Игор од Велес, додека негови помошници ќе бидат Гонев Илија и Ангелов Зоран од Неготино. Четврт судија на натпреварот ќе биде Иванов Никола од Велес.

Делегат на натпреварот е Николовски Тони од Скопје, а контролор ќе биде Хаџипази Алиларџан од Гостивар.

Натпреварот се игра со почеток од 15:30 часот. 

Познати судиите за натпреварот А. Пандев – Ренова, кој се игра денес на “Младост”

Денес на стадионот “Младост” во Струмица се игра натпреварот помеѓу Академија Пандев и Ренова, со што ќе биде отворено 5. коло од Првата македонска фудбалска лига.
Академија Пандев - Борец - 3. коло ПМФЛ 7

Главен судија на натпреварот ќе биде Ѓоргиев Крумислав од Штип, а негови помошници ќе бидат Кировски Марјан и Костадинов Дејан од Скопје. Четврт судија на натпреварот ќе биде Трпчевски Стојанче од Кавадарци.

За делегат е одреден Јорданов Драган од Велес, а контролор е Шуклев Благој од Стојаково.

Натпреварот се игра денес со почеток од 15:00 часот.

ВИДЕО: Струмичкиот Јутубер Колевски со ново видео: Се бањам на улица на дождот

Повеќе →

Беласица на “Младост” го пречекува Кожуф

Викендот се игра 4. коло од Втората македонска фудбалска лига – Исток. Во оваа коло Беласица на “Младост” ќе ја пречека екипата на Кожуф од Гевгелија.

Беласица - Кит-Го Пехчево - 1. коло - ВМФЛ - Исток 15
Во досегашните три одиграни кола, Беласица запиша три победи и е на врвот на табелата со 9 бода, исто толку има и штипска Брегалница.

Овој натпревар ќе биде потежок за Беласица во однос на претходните три натпревари, пред се, поради квалитетот на екипата кој го има Кожуф.

Кожуф по трите одиграни кола е 4. на табелата со пет освоени бодови.

Академија Пандев ја пречекува Ренова во дерби натпревар

По паузата од две недели продолжува Првата македонска фудбалска лига. По петте одиграни кола, Академија Пандев е лидер на табелата во Првата лига со 10 освоени бодово.
Академија Пандев - Борец - 3. коло ПМФЛ 7

Во 5. коло, “Пандевци” во Струмица на “Младост” ќе ја пречекат Ренова, екипа која е на делба на третата позиција со 7 бода.

“Овој натпревар како дерби на колото ќе се одигра во петок, со почеток од 15 часот, на стадионот „Младост“ во Струмица. Покана до сите љубители на фудбалот да дојдат и да им дадат поддршка на нашите фудбалери за задржување на првата позиција и продолжување на успешниот старт на сезоната. Влезот е слободен. Од овој натпревар ќе има и директен пренос на Арена спорт како и на првиот канал на МРТВ”, истакнаа од Академија Пандев на нивната официјална фејсбук страница.