Никола Ѓорѓиев: Тешка група, но имаме тим кој може повторно да испише историја

Македонската одбојкарска репрезентација првпат ќе игра во елитното европско натпреварување. Настапите во групата фаза од Златната Европската лига ќе ги почне против Чешка на домашен терен на 23/24 мај 2020 година. Потоа силите ќе ги одмери со Турција и Португалија.

Завршниот турнир на четирите најдобри ќе биде одигран на 20 и 21 јуни, а домаќин ќе биде Белгија. Финалистите ќе обезбедат пласман во ФИВБ Челенџер купот и ќе имаат шанса да се борат за настап во Лигата на нации во 2021.

Никола Ѓоргиев - Македонија

Капитенот на македонската одбојкарска репрезентација Никола Ѓорѓиев, за дуелите со Чешка, Турција и Португалија рече:

„Ова е тешка група, но на ова ниво лесна воопшто нема. Ние сме во кремот на одбојката и тоа е местото каде што заслужуваме да бидеме. Добро е во првиот натпревар ќе бидеме домаќини, ако успееме да победиме, тоа би бил одличен почеток. Секако дека ние не сме фаворити за влез на завршниот турнир, сепак ова не е како во сребрената лига, но имаме екипа којашто што може да направи нова историја доколку сме здрави сите. Португалија е домаќин на Челенџер купот, па прочитав дека селекторот ќе ја искористи Европската златна лига за да ги провери сите играчи, мојот техничар во Фридрихсхафен е капитен на Чешка, па ќе се обидам да соберам некоја информација и од него, а Турците ги знаеме и се надевам дека ќе им се реваншираме за поразот на Европското првенство. Мојот сон е три победи дома и една или две на гости, а тоа значи пласман на завршниот турнир. Само да сме здрави”.

Распоред на натпреварите за Европската златна лига 2020:
1. коло – 23/24.5.2020: Македонија – Чешка
2. коло – 27.05.2020: Турција – Македонија
3. коло – 30/31.05.2020: Португалија – Македонија
4. коло – 06/07.06.2020 Македонија – Португалија
5. коло – 10.06.2020 Македонија – Турција
6. коло – 13/14.06 2020 Чешка – Македонија

 

Comments are closed.

43040899_919171741622888_1449774753454751744_o