РК Астраион прв на табелата во Првата ракометна лига – Група 1

РК Астраион викендот ја запиша својата петта сезонска победа, против екипата на Текстилец од Штип, со резултат од 31:21 и се зацврсти на лидерската позиција во Првата ракометна лига – Група 1, каде се натпреваруваат 9 екипи.

FB_IMG_1573425539395

Струмички Астраион во досегашниот тек од сезоната има запишано пет победи и едно реми и со вкупно 16 бодови е на првото место на табелата, на втората позиција е РК Прилеп кој има бод помалку. Куманово е трет на табелата со 14 бодови, Јуниор К.В. е четврти на табелата со 12 бодови, а исто толку бодови има и Македонија ЃП која е петта на табелата. Вардар Неготино со 9 освоени бодови е на шесттото место, Текстилец од Штип со два бодови е на седмата позиција, Риниа М со еден освоен бод е на осмата позиција, додека РК Алушовски е последен без освоени бодови.

Во следното коло РК Астраион ќе му гостува на РК Вардар Неготино, МРК Куманово ќе игра против Риниа М, Македонија ЃП ќе биде домаќин на Текстилец од Штип, додека РК Прилеп ќе го пречека РК Алушовски.

Comments are closed.

43040899_919171741622888_1449774753454751744_o