Познати судиите за натпреварот Академија Пандев – Шкупи

Викендот ќе се одигра 7. коло од Првата македонска фудбалска лига. Академија Пандев во оваа коло ќе биде домаќин на екипата на Шкупи од Чаир.

Академија Пандев - Ренова - Струмица, Младост 5. коло ПМФЛ

„Пандевци“ минатото коло одиграа нерешено (0:0) во Струга, против Струга Трим Лум, и останаа лидери на табелата. Чаирчани минатото коло беа поразени од Вардар на домашен терен со резултат од 1:2 и во моментот се на четвртото место на табелата со 8 освоени бодови.

Шкупи денес за тренер го назначи Ќатип Османи, кој доаѓа како слободен, бидејќи претходно го раскина договорот со Шкендија, поради лошиот настап на тимот од Тетово во Европа и лошиот почеток од новата сезона во Првата лига. Османи ќе биде трет тренер на Шкупи од почетокот на сезоната, откако претходно клубот од Чаир ја прекина соработката со Булент Акин и Умит Каран.

Главен судија на натпреварот помеѓу Академија Пандев и Шкупи ќе биде Ставрев Александар од Скопје. Негови помошници ќе бидат Кировски Марјан и Костадинов Дејан од Скопје. Четврт судија на натпреварот ќе биде Пројковска Ивана од Скопје. За делегат на натпреварот е одреден Крстевски Ненад од Куманово, а контролор ќе биде Стојановски Драге исто така од Куманово.

Натпреварот се игра во недела на стадионот „Благој Истатов“ во Струмица, со почеток од 15:30 часот.

Comments are closed.

43040899_919171741622888_1449774753454751744_o