Јаневски: Подготвени сме за решавање на проблемите на граѓаните од било каков вид на дискриминација

Градоначалникот Коста Јаневски, денеска, учествуваше на трибината на тема „Дискриминација: Како да ја препознаам и што потоа“ која што се одржа во домот на АРМ во Струмица. Тој ги информираше учесниците на трибината за улогата на општина Струмица во заштитата од дискриминација и мерките кои што ги користи, нагласувајќи дека Општината е подготвена за решавање на проблемите на граѓаните од било каков вид на дискриминација.

31958191_1631920993527991_608207514172915712_n-Почитувајќи ја еднаквоста, општина Струмица и Асоцијацијата за здравствена едукација и истражување ХЕРА, првиот заеднички чекор го направија со потпишувањето меморандум за соработка во март 2016 година. Меморандумот беше во траење од 2 години и на основа на заклучоците од повторната средба која што со претставниците на ХЕРА ја имавмe во декември минатата година, одлучено е соработката да продолжи и потпишан е нов меморандум за соработка во април годинава. Со Меморандумот се обврзавме на спроведување заеднички активности за заштита од дискриминација во рамките на проектот „Заштита од дискриминацијата на локално ниво“ поддржан од Амбасадата на Кралството Холандија во Скопје. Партнери во спроведување на проектот се и Народниот Правобранител на Република Македонија, Министерството за правда, Комисијата за заштита од дискриминација и Коалицијата „Сексуални и здравствени права на маргинализираните заедници“. До сега, во рамките на проектот се спроведоа повеќе активности: истражување за проценка на потребите на локалните механизми за заштита од дискриминација, координативни состаноци, обуки за градење на капацитетите, студиска посета во Холандија и изработка на протокол на локално ниво за зајакната соработка помеѓу институциите во заштитата од дискриминација. Во овој процес особено се разви соработка на координаторот за еднакви можности на Општина Струмица со Народниот правобранител, граѓанските организации за заштита од дискриминација и Министерството за правда, како и со институции и организации кои на локално ниво во Струмица работат од различни аспекти за подобрување на состојбите за заштита од дискриминација, пристап до правда и еднакви можности. Како резултат на спроведените активности, во февруари 2017 година со одлука на Советот на општина Струмица формирано е Локално координативно тело со цел зајакнување на соработката помеѓу институциите, градење на проактивен пристап кон заштитата од дискриминација и еднаквите можности, зголемена комуникација и размена на информации и преземање на заеднички промотивни и превентивни активности, рече Јаневски.31960653_1631921106861313_2219696878767833088_n

Трибината „Дискриминација: Како да ја препознаам и што потоа“ се одржа во организација на Асоцијацијата за здравствена едукација и истражување ХЕРА и Здружението за родова еднаквост „Родова перспектива“ со поддршка од „Цивика Мобилитас“.31961430_1631920986861325_1369239400780660736_n 32081330_1631921123527978_7948204136527298560_n 32082707_1631920990194658_7244116549827559424_n 32169287_1631921126861311_3494268092173778944_n

Comments are closed.