Запознајте ја старата струмичка кујна – ДРОБ САРМА

Еве еден од специјалитетите за Прочка, најчест на струмичката трпеза, покрај јагнешките тави…

 Бидејќи после Прочка започнуваат Великите пости,изборот за готвење на Прочка е навистина голем и секоесемејство според вкусот си бира што ќе готви, но секако од асортиманот, типичен за Прочка, кој околу јагнешкото е сличен и за Велигден.

2013-03-16_20-26-25_1400x1050

Во нашиот крај, Дроб сармата ја викаме и Џерсарма, но некако се провлекува и Џерпсарма.Како и да ја нарекуваме, важно е што не се полива со јајца како во други краеви, туку се сервира со кисело млеко и тогаш јадењето е прекрасно освежително.

Рецептот не е променет многу како за други работи, си останал речиси ист, со мали измени.

2013-03-16_18-10-03_1400x1050

 Потребно ви е марамица, јагнешки џигер, сите изнутрици по желба, младо кромидче и ориз. Зачините се по желба, но за овој специјалитет, мирудиита како велиме, односно сушено нане е обавезно.

 А рецептот е едноставен, го пржите кромидчето внимателно, а во друга тава го пржите џигерот и други изнутрици ако сакате, на коцки, па ги соединувате и додавате ориз и зачини, црн бибер, црвен, буковец, сушен зеленчук.

2013-03-16_18-19-00_1400x1050

Скроената марамица на парчиња како за да виткате сарми ја ставате во млака вода полесно да виткате. Секое парче го ставате во чорбалка, голема лажица за чорба ставање и полните од филот. Ги печете покриени, во водичка и црвено пиперче, на тивко, а на крај откријте за да фати убава боичка одозгора.

2013-03-16_20-24-57_1400x1050

Инаку џигерот секогаш го чувам во млеко пред готвење, па и марамицата ја ставив.

За оние кои имаат проблем со изнутрици, млекото помага мирисот да биде ублажен, а и женското јагне нема толку јак мирис.

Добар апетит!

Весна Рохр, Со љубов за вас

Comments are closed.

1