Општина Струмица го одбележа Денот на народното востание и Денот на борецот

Со пригодна програма која што се одржа пред Споменикот на револуцијата во градскиот парк, општина Струмица го одбележа 11 Октомври – Денот на народното востание на Македонија и Денот на борецот. Во знак на почит на сите учесници во вооруженото антифашистичко и народноослободително востание беше положено свежо цвеќе, а рецитаторите од домот за деца и млади „Благој Мучето“ рецитираа револуционерна поезија. За значењето на празникот зборуваше вршителот на должноста градоначалник на општина Струмица, Костадин Костадинов.22366259_1830577343649737_5263896167198545633_n

-11. Октомври 1941 година, e ден кога македонскиот непокор уште еднаш беше потврден на дело, како многу пати до тогаш, а со осамнувањето на денот денешен, повторно осамнаа спомените за тој непокор и за слободољубивоста на македонските борци кои на дело ја покажаа и докажаа љубовта кон својата татковина. Го славиме денес овој 11. Октомври како Ден на востанието на Република Македонија и како Ден на борецот. Меѓу многуте напишани и кажани зборови за овој наш празник, останало запаметено дека: “Во најубавата приказна за слободна Македонија се вградени судбините на голем број млади луѓе. Затоа, ова наше востание мора да стои на пиедесталот од креирањето на вистинската приказна за македонската република…11.Октомври е ден од македонската историја кој не само што е симбол на нашата борба за слобода, туку е и ден кога е поставен еден од темелите на подоцнежната македонска државност. На овој ден им оддаваме почит на сите учесници во вооруженото антифашистичко и народноослободително востание. Наша должност останува да го чуваме она за што тие го дадоа својот живот. Нашата историја не мотивира да чекориме напред и да веруваме во себе”. Токму затоа, драги сограѓани, денес имаме убава причина да му се радуваме на празникот и да бидеме горди на почитта што ја имаме за него, рече Костадинов.22308598_489759158063913_977178626224443631_n

Одбележувањето на празникот продолжи со турнир во мал фудбал за девојки од 8 до 14 години на општинското фудбалско игралиште со вештачка трева, а утре во 18 часот ќе се одржат ноќни крос трки за учениците од основните и средните училишта.22310169_1830577336983071_5699899261530731453_n 22310569_489759251397237_215883489155551717_n 22310713_489759128063916_3840974497321587685_n 22365370_489759188063910_918245706084937658_n 22365471_1830578013649670_7973154513343577693_n 22365638_1830577920316346_4020282812320319810_n 22366259_1830577343649737_5263896167198545633_n 22366670_489758988063930_1771990144585456820_n 22405381_489759074730588_7473916146445909663_n

Comments are closed.

maski1