Младинците на ФК Академија Пандев одиграа 2:2 со Ѓер

Без победник но со вкупно четири постигнати гола заврши вториот дуел кој младинскиот тим на ФК Академија Пандев го одигра попладнево на GENERALI CEE Cup-от во Прага.

ФОТО: ФК Академија Пандев

ФОТО: ФК Академија Пандев

Конечниот исход од дуелот на нашите младинци со унгарскиот тим Ѓер гласи 2:2. ФК Академија Пандев поведе со голот на Велиновски во 30.минута и таа предност ја задржа до крајот на полувремето. Во вториот дел од средбата Наџи во 59.минута израмни на 1:1, а потоа Шанто во 69.минута му донесе предност на противникот од 2:1.

Ова не ги обесхрабри нашите момчиња кои и натаму создаваа шанси кон противничкиот гол, а одличниот Велиновски круниса една таква со погодок во 84.минута со што беше поставен и конечниот резултат 2:2.

Потсетуваме во првиот дуел од овој турнир нашите младинци одиграа меч без голови со ФК Евертон.

Comments are closed.

  vtoro122