Афоризми на Ацо Ѓоргиев, дел 7

aco gorgiev

Не сум човек денгубник.
Работам ноќе.

***

Конечно застанав на здрава нога.
Сега и Бил Гејтс може да се потпре на мене, мислам онака, физички.

***

 

За животен правец одбрав крива линија.

***
Бракот ми е кристал.
Само нозете му се од стакло.

***
Преминав од зборови на дела.
Станав човек од збор.

***

Влегов во нечист бизнис. Отпушувам канализациони цевки.

***

Пишувам збиено. За да не ми читаат меѓу редови.

***

Знам многу трикови во стилот врти – сучи. Сум работел порано во предилница.

***

Одамна сакам да и´ погледнам на вистината во очи, но таа постојано ми е свртена со грб.

***

Клаустрофобија: Не сум човек за во нечие срце.
Имам страв од затворен простор.

 

Comments are closed.

Capture