Изградба на нов НВО центар е приоритетниот проект кој што го избраа граѓаните на општина Струмица

Проектот за изградба на нов НВО центар – создавање механизми за институционална соработка помеѓу општина Струмица и граѓанскиот сектор доби 80 гласови и тој е приоритетниот проект кој што општина Струмица ќе го имплементира во 2016-2017 година, така одлучија граѓаните на Граѓанскиот проектен форум кој што синоќа се одржа во големата сала на домот на АРМ. Неговата изградба ќе се финансира со 2.200.000 денари обезбедени од општина Струмица и Фондацијата Отворено општество Македонија. Овој проект доби најголем број гласови од осумтте предложени, а планирани проекти во акциските планови за образование, социјална заштита, млади и соработка со граѓански организации. За градоначалникот Зоран Заев, ваквиот традиционален начин на носење важни одлуки заедно со граѓаните, се потврди како одлична практика во развојот на Општина Струмица и во континуитет ја потврдува нејзината транспарентност и отчетност по што е на врвот меѓу општините во Република Македонија.14717284_1097550020298427_4243002856834890946_n

-Ова е традиционална можност веќе 11,5 години како преку форумски процеси со директно партиципирање на граѓаните, се носат одлуки за капиталните инвестиции и она што е најважно за идниот развој на општина Струмица. Ова е еден форумски процес на кој општина Струмица по пат на гласање, директно од претставниците на сите заедници, одлучува кој од осум предложени проекти важни од сите сфери на општественото живеење, ќе биде приоритетен проект кој што ќе биде финансиран со 2.200.000 денари, 1.100.000 денари обезбедени од општина Струмица, а останатите од Фондацијата Отворено општество Македонија. Се работи за важни проекти кои што се многу актуелни во општина Струмица, опфаќаат и млади, образование, социјална заштита и невладини организации и граѓански здруженија, но граѓаните по пат на гласање го избираат приоритетниот проект кој што ќе биде финансиран со 2.200.000 денари, рече градоначалникот Заев.14606490_1097550010298428_2882552341712212526_n 14642127_1097550206965075_574378394682847405_n 14680688_1097550380298391_2612582531362096728_n

Comments are closed.

Capture